कारण

मुंबईत कोरोनाच्या रुग्णसंख्येत सातत्याने घट, भाजप नेते सुब्रमण्यम स्वामींनी केले उध्दव ठाकरेंचे कौतूक

भाजपचे खासदार सुब्रमण्यम स्वामी यांनी उद्धव ठाकरे यांचे कौतुक करत त्यांची पाठ थोपटली पाहिजे, असे सांगितले.

देशभरात कोरोनाच्या वाढत्या घटनांमध्ये शुक्रवारी मुंबईत पॉझिटीव्ह रुग्णांच्या संख्येत 10 टक्क्यांहून कमी नोंद झाली आहे . यासाठी भाजपचे खासदार सुब्रमण्यम स्वामी यांनी महाराष्ट्राचे मुख्यमंत्री उद्धव ठाकरे यांचे कौतुक केले

मुंबईतील कोरोनाची प्रकरणे कमी करण्यासाठी मुख्यमंत्री उद्धव ठाकरे यांची पाठ थोपटली पाहिजे , असे वक्तव्य भाजप नेते आणि राज्यसभेचे खासदार सुब्रमण्यम स्वामी यांनी केली. त्याचबरोबर सुब्रमण्यम स्वामी यांनी लिहिले की, महाराष्ट्रातील हॉस्पिटल आता अधिक चांगल्या स्थितीत असतील याची त्यांना खात्री आहे .

गेल्या दोन महिन्यांपासून सर्वाधिक कोरोनाने वेढलेल्या मुंबईकरांसाठी शुक्रवारी एक मोठी चांगली बातमी समोर आली आहे. शुक्रवारी झालेल्या आकडेवारीनुसार, सुमारे, 43,525 चाचण्यांपैकी केवळ 4,328 पॉझिटीव्ह रुग्ण आढळले. तसेच, पॉझिटीव्ह आढळलेल्या 85 टक्के लोकांमध्ये कोणतीही लक्षणे आढळली नाहीत. डॉक्टरांनी असा दावाही केला आहे की कोरोनाचे घटते प्रमाण लक्षात घेता हॉस्पिटलमध्ये 5000 हून अधिक बेड रिकामे झाले आहेत.

 

एप्रिलमध्ये मुंबईतील पॉझिटीव्ह रुग्णांचे प्रमाण सुमारे 27 टक्क्यांपर्यंत गेले होते. 4 एप्रिलनंतर पॉझिटीव्ह रुग्णांचे प्रमाण 27.94 टक्के होते. कोरोनामधील वाढत्या घटना लक्षात घेऊन ठाकरे सरकारने 13 एप्रिल रोजी लॉकडाऊन जाहीर केले. त्यानंतर मुंबईत कोरोना संसर्गामध्ये थोडी घट दिसून आली.

गेल्या 24 तासांत महाराष्ट्रात कोरोनाचे 63,282 नवीन रुग्ण आढळले आहेत. यासह, राज्यात एकूण पॉझिटीव्ह रुग्णांची संख्या वाढून 6,63,758 झाली आहे. गेल्या 24 तासांत मुंबईत 3,908 नवीन घटना समोर आल्या आहेत. या व्यतिरिक्त, राज्यभरात गेल्या 24 तासांत कोरोनामुळे सुमारे 802 लोकांचा मृत्यू झाला आहे.

Related Articles

Subscribe
Notify of
guest
0 Comments
Inline Feedbacks
View all comments