खूप काही

Google Pay वापरणाऱ्यांसाठी मोठी बातमी, आता परदेशातूनही पाठवू शकता पैसे

आता गुगल पेद्वारे (Google Pay) सहज परदेशातून भारतात पैसे पाठवता येतील, त्यासाठी काही कंपन्यांसोबत Google Pay ने भागीदारी केली आहे.

मनी ट्रान्सफर अॅप (Money transfer app) गुगल पे (Google pay) ने आपल्या ग्राहकांना एक मोठी भेट दिली आहे. आता अमेरिकेतील एखादी व्यक्ती आपल्या भारतात असलेल्या साथीदाराला सहजपणे पैसे ट्रान्सफर करू शकतो. भारताबरोबरच या सुविधेचा लाभ सिंगापूरमधील लोकांनाही मिळणार आहे. ट्रान्सफर वाईज आणि वेस्टर्न युनियन कंपन्यांसोबत (Wise and western union company) गुगल पेने करार केल्यामुळे हे शक्य झालं आहे.

गुगल पेने दिलेल्या माहितीनुसार येत्या काही महिन्यांत ही मनी ट्रान्सफर सेवा वाईज कंपनीमार्फत 80 देशांत आणि वेस्टर्न युनियनमार्फत 200 देशांमध्ये दिली जाईल. या वर्षाच्या अखेरीस या 200 हून अधिक देशांमध्ये आंतरराष्ट्रीय मनी ट्रान्सफरची सुविधा सुरू होईल.

आपण पैशांच्या ट्रान्सफरसाठी संपूर्ण जागतिक बाजारा (International market) कडे नजर टाकल्यास यामध्ये गूगलचा वाटा 470 अब्ज डॉलर्स आहे.

परदेशातून पैसे ट्रान्सफर करण्यात वेस्टर्न युनियन (Western union) ही कंपनी प्रथम स्थानी आहे. हे काम डिजिटल करण्यासाठी आता गुगलने वेस्टर्न युनियन आणि वाईझ बरोबर भागीदारी केली आहे. ही भागीदारी आंतरराष्ट्रीय स्तरावर पैसे ट्रान्सफर करणे सहज शक्य करेल.

किती वापरकर्त्यांना याचा फायदा होईल?

रॉयटर्सच्या माहितीनुसार जगभरात गुगल पेचे 150 दशलक्ष वापरकर्ते आहेत, जे 40 देशांमध्ये पसरले आहेत. सध्या कोरोनाच्या काळात ऑनलाइन पैशांच्या ट्रान्सफरमध्ये वाढ झाली असून याचा फायदा गुगल पे सारख्या कंपन्या घेऊ इच्छित आहेत. पण, गेल्या दोन वर्षातील मनी ट्रान्सफरची आकडेवारी पाहिल्यास कोरोनामुळे उत्पन्न कमी झाले आहे आणि पैसे पाठविण्याचे प्रमाण देखील कमी झाले आहे. जगातील सर्व स्थलांतरित लोक त्यांच्या घरी पैसे पाठवतात, त्यात 14% घट दिसून येत आहे.

अमेरिकन कंपनी गूगल पे (Google pay) ने 2020च्या नोव्हेंबरमध्ये आपले अ‍ॅप पुन्हा डिझाइन केले आणि त्यात बर्‍याच बँका समाविष्ट केल्या आहेत. त्याअंतर्गत वेस्टर्न युनियन आणि वाईज कंपनीबरोबर भागीदारी केली आहे. एएनटी ग्रुप (ANT Group), सॅमसंग इलेक्ट्रॉनिक्स (Samsung electronic), अॅपल आयएसी (Apple IAC) आणि पेपल होल्डिंग्स (PayPal holdings) सारख्या कंपन्याही मनी ट्रान्सफरच्या व्यवसायात गुंतल्या आहेत. आता गूगल पे (Google pay) आंतरराष्ट्रीय बाजारात प्रवेश करत आहे, म्हणून सर्व कंपन्यांमध्ये जोरदार स्पर्धा दिसून येईल.

गूगल पे काय म्हणाले?

या वर्षाच्या अखेरीस अमेरिकेतील लोक भारतात पैसे पाठवू शकतील, असे गुगल पेने म्हटले आहे. गूगल पे अ‍ॅपवर फक्त एका क्लिकवर, आपण काही क्षणात पैसे पाठवण्यास सक्षम असाल. वेस्टर्न युनियनकडे जगातील 200 देशांमध्ये सुमारे 5 लाख किरकोळ स्थाने(Retail Location)आहेत, जिथून पैसे ट्रान्सफरचे काम होते. वेस्टर्न यूनियन एक क्रॉस कंट्री(cross country )आणि क्रॉस चलन (Cross currency) पेमेंट ट्रान्सफर प्लॅटफॉर्म आहे. गुगल पेद्वारे लोक सुरक्षित आणि द्रुतपणे पैसे ट्रान्सफर करण्यास सक्षम असतील.

पैसे ट्रान्सफर कसे करावे?

1.नवीन अ‍ॅप रीडिझाइननंतर आपण अपडेट न केल्यास, प्ले स्टोअर (Play Store) वरून गुगल पण(Google पे) अॅप डाउनलोड करा.
2 गुगल पेने दिलेल्या सूचनांचे अनुसरण करून बँक खात्याचा तपशील सेट करा
3.गुगल पे अ‍ॅपमध्ये एक पे (pay) बटण असेल, जिथे आपणास वेस्टर्न युनियन(western union) किंवा वायस(YS) निवडण्याचा पर्याय मिळेल.
4.आपल्याला अ‍ॅपवर सूचना देण्यात येतील,त्यात डेबिट(debit) किंवा क्रेडिट(credit) कार्डची माहिती विचारते. ज्याचे अनुसरण केले पाहिजे आणि पे(pay) प्रक्रिया पूर्ण करावी.

Related Articles

Subscribe
Notify of
guest
0 Comments
Inline Feedbacks
View all comments