Mumbai Rain Update : मान्सून धडकणार, मुंबईसह महाराष्ट्रात पावसाची शक्यता…

Mumbai Rain Update : केरळमध्ये मान्सून लवकरच धडकणार असल्याची शक्यता आहे. हवामानाच्या बदलामुळे केरळ आणि कर्नाटकमध्ये मुसळधार पावसाची शक्यता आहे. याखेरीज झारखंड, बिहार आणि बंगालसह पूर्व भारतामध्ये पावसाळा सुरू झाला आहे.

त्याचबरोबर उत्तर भारतात म्हणजेच पंजाब, हरियाणा, दिल्ली, राजस्थान आणि उत्तर प्रदेशात विजांच्या कडकडाटासह पाऊस पडण्याची शक्यता आहे. तसेच येत्या दोन दिवसांत मुंबईसह महाराष्ट्रात मान्सूनपूर्व पावसाचा अंदाज आहे.

वास्तविक उत्तर भारतातील अनेक ठिकाणी दमटपणा जाणवत आहे. अशा परिस्थितीत दिल्ली, हरियाणा, उत्तर प्रदेश, राजस्थानसह बर्‍याच राज्यात, डिसेंबर दरम्यान कमाल तापमान 40 अंश सेल्सिअसपर्यंत पोहोचले आहे. त्याचवेळी दक्षिण-पश्चिम मान्सूनने दक्षिण-पूर्व आणि पश्चिम बंगालच्या उपसागरात प्रवेश केला आहे.

अशा परिस्थितीत हवामान खात्याने दिलेल्या माहितीनुसार देशाच्या अनेक भागात पावसाळ्याच्या आगमनाची परिस्थिती निर्माण झाली आहे. आता अशा परिस्थितीत केरळमध्ये आज आणि उद्या म्हणजेच 31मे आणि 1 जून रोजी मान्सून येऊ शकतो.

या दरम्यान पुण्यातील हवामान विभागाच्या टीमने महत्त्वाची माहिती दिली आहे. मुंबई, पुणे, कोकणसह महाराष्ट्राच्या बर्‍याच ठिकाणी मान्सूनपूर्व पाऊस सुरू होऊ शकेल. दुसरीकडे, पश्चिमेकडून पूर्वेकडे वाहणाऱ्या हवेची आर्द्रता वाढली आहे आणि त्यामुळे कोकण, मध्य महाराष्ट्र, मराठवाडा आणि विदर्भात येत्या चार दिवसात पडण्याची शक्यता आहे आणि सर्वत्र मान्सूनपूर्व पाऊस सुरू होण्याची शक्यता आहे. 2 जूनपासून राज्यात पाऊसाची सुरुवात होण्याची शक्यता आहे.