खूप काही

RAJ THACKERAY : राज ठाकरेंचे मुख्यमंत्र्यांना पत्र, लोकलबद्दल मोठा निर्णय होण्याची शक्यता

कोरोनाच्या पहिल्या लाटेची तीव्रता कमी झाल्यानंतर मुंबईची लाईफलाईन असलेली लोकल पूर्ववत सुरू करण्यात आली होती. मात्र दुसऱ्या लाटे दरम्यान पुन्हा सामान्यांची मुंबई लोकल सेवा बंद करण्यात आली होती

Raj Thackeray : कोरोनाच्या पहिल्या लाटेची तीव्रता कमी झाल्यानंतर मुंबईची लाईफलाईन असलेली लोकल पूर्ववत सुरू करण्यात आली होती. मात्र दुसऱ्या लाटे दरम्यान पुन्हा सामान्यांची मुंबई लोकल सेवा बंद करण्यात आली होती. त्यामुळे मुंबईकरांचे कामानिमित्त प्रवास करण्याचे हाल होऊ लागले आहेत.

अनेक सामान्य नागरिकांची प्रशासनाकडे आणि सरकारकडे लोकल पूर्ववत सुरू करण्याची मागणी आहे. कारण आता दुसऱ्या लाटेची तीव्रता कमी होऊ लागली आहे. तरी देखील बंदी अद्याप उठवण्यात आलेली नसून, त्यासंदर्भात अनेक विरोधी पक्ष नेते, राजकीय नेते यांनीदेखील ज्यांचे लसी दोन डोस पूर्ण झालेले आहेत. त्यांना तरी मुंबई लोकलबद्दल प्रवासाची मुभा देण्यात यावी, अशा सरकारकडे मागण्या केल्या जात आहे.

यात आता महाराष्ट्र नवनिर्माण सेनेचे अध्यक्ष राज ठाकरे यांनी देखील सर्वसामान्यांना लोकलमधून प्रवास करून देण्यासंदर्भात तातडीने पावले उचलण्याची मागणी करत राज ठाकरे यांनी मुख्यमंत्री उद्धव ठाकरे यांना पत्र लिहिलं आहे, पत्राच्या माध्यमातून सरकारला थेट इशारा दिला आहे. कारण देशाची आर्थिक राजधानी असलेल्या मुंबईत नागरिकांना प्रवासासाठी मोठी कसरत करावी लागत आहे. त्यातून सतत दुसऱ्यावलाटेची तीव्रता कमी होत आहे, त्यामुळे जीवन पूर्ववत सुरू करण्यासाठी मुंबई लोकल सुरू करने गरजेच असल्याचं राज ठाकरे यांनी पत्राद्वारे सरकारकडे म्हटलं आहे. त्यामध्ये लोकल सेवा सुरू करण्यासंदर्भातील निर्णय तातडीने घेण्याचा सल्ला राज ठाकरे यांनी मुख्यमंत्री उद्धव ठाकरे यांना दिले आहे.

नेमकं काय लिहिलंय राज ठाकरे यांच्या पत्रात

 

मा. उद्धव ठाकरे

मुख्यमंत्री, महाराष्ट्र राज्य

गेल्या 15 महिन्यांपासून देशाप्रमाणे महाराष्ट्रात अनेक प्रकारचे निर्बंध महाराष्ट्र सरकारने लागू केले आहेत. हे निर्बंध आपण सर्वचजण पाळत आलो आहोत. पण आजकाल हे निर्बंध नक्की कोणासाठी असा प्रश्न पडू लागला आहे. त्यातल्या त्यात मुंबई शहरासाठी जे निर्णय घेतले जात आहे, ते तर अनाकलनीय आहेत.

मुंबईतील जवळजवळ सर्व कार्यालयं सुरू आहेत. सर्वांना घरून काम करता येणं शक्य नाही. यासाठी त्यांना रोज अनेक तास प्रवास करावा लागतो आहे. त्यात लोकल बंद असल्यामुळे मुंबईकरांचे अतोनात हाल होत आहेत. महाराष्ट्र सरकारनं बस सेवेला परवानगी दिली; पण लोकल बंद असल्याने या बसमध्ये प्रचंड गर्दी होत असते. अशा गर्दीत प्रवास केल्यानं रोगही अधिक पसरण्याचाच धोका आहे. त्यामुळे बस सुरू आणि लोकल बंद यानं नेमकं काय साध्य होणार?

ही साथ एकाएकी जाणार नाही, असं जगातल्या तज्ञाचं मत आहे. त्यामुळे यापुढे आपल्याला अशा साथीबरोबरच राहण्याची सवय करून घेण्याची गरज आहे आणि त्याला धरूनच योग्य निर्णय, उपाययोजना आपल्याला करायला हव्यात. लसीकरणाचा वेग वाढवणं गरजेचं आहेच, परंतु त्यासोबतच धोरण आखणीमध्ये अधिक कल्पकता दाखवायला हवी. पण दिसतंय असं की महाराष्ट्र सरकारला अजूनही टाळेबंदी आणि निर्बंधांच्या पलिकडे काही सुचत नाही.

महाराष्ट्र सरकारनं निर्बंध शिथिल करण्यासाठी आणि मुख्य म्हणजे मुंबईची लोकल सेवा सुरू करण्यासाठी आता तातडीनं पावले उचलावीत. सर्वसामान्य माणसानं आत्तापर्यंत खूप सहन केलं आणि त्याची सहन करण्याची क्षमता आता संपत चालली आहे. त्यामुळे आता यापुढे सरकारकडून काही सकारात्मक उपाय केले गेले नाहीत, तर कडेलोट होईल. त्या परिस्थितीत माझा पक्ष मुंबईकरांसोबत तर उभा राहिलच, परंतु लोकल प्रवास तातडीनं सुरू करण्यासाठी आंदोलन सुरू करेल.

त्यामुळे मी माझ्या पक्षातर्फे मुख्यमंत्र्यांना अशी मागणी करत आहे की, मुंबईकरांचे रोजचे हाल थांबवण्यासाठी मुंबईची लोकल सेवा, निदान ज्यांनी लसीचे दोन डोस घेतले आहेत, अशा सर्वांसाठी तरी अधिकाधिक लोक लोकल प्रवासाचा लाभ घेऊ शकतील आणि मुंबईचं अर्थचक्र पुन्हा सुरळीत सुरू होईल.

मला अपेक्षा आहे की, महाराष्ट्र सरकार या सगळ्याचा विचार करून त्वरित पावलं उचलेल…

 

-राज ठाकरे

अध्यक्ष

महाराष्ट्र नवनिर्माण सेना

Related Articles

Subscribe
Notify of
guest
0 Comments
Inline Feedbacks
View all comments