Shahu Maharaj Memorial : मुंबईत उभारणार राजर्षी शाहू महाराजांचे स्मारक, काय असेल ठिकाण

Shahu Maharaj Memorial :राजर्षी छत्रपती शाहू महाराज यांच्या स्मरणार्थ मुंबईत एक स्मारक बांधण्याची मागणी केली जात आहे. त्यासाठी मालोजीराजे शाहू छत्रपती, गृह राज्यमंत्री आणि कोल्हापूरचे पालकमंत्री सतेज पाटील यांच्यासह एका शिष्टमंडळाने महाराष्ट्राचे पर्यटनमंत्री आदित्य ठाकरे यांची भेट घेतली व मुंबई येथे राजर्षी छत्रपती शाहू महाराजांना श्रद्धांजली वाहिली व त्या बैठकीत शिष्टमंडळाने मुंबईतील गिरगावातील पन्हाळा लॉज राजवाडा येथे स्मारक उभारण्यासाठी मागणी केली.(Rajarshi Shahu Maharaj’s memorial to be erected in Mumbai, what will be the place)

राजर्षी छत्रपती शाहू महाराजांचे शताब्दी वर्ष असल्यामुळे या वर्षी त्यांच्या मृत्यूच्या ठिकाणी स्मारक उभारण्यात यावे, अशी विनंती शिष्टमंडळाने आदित्य ठाकरे यांच्याकडे केली. या मागणी संदर्भात सकारात्मक भूमिका घेत आदित्य ठाकरे यांनी शिष्टमंडळाला सांगितले की, वरळी परिसरात कोल्हापूरवासीयांची मोठी संख्या राहत असल्याने तेथे स्मारक बांधण्याचा आपला हेतू आहे.

स्मारकाची मागणी करतेवेळी शिष्टमंडळात आमदार चंद्रकांत जाधव, जयंत आजगावकर, वकील गुलाबराव घोरपडे, इंद्रजित सावंत, हर्षल सुर्वे, किरण चव्हाण, अनूप चौगुले, प्रताप नाईक, राजेश पाटील इत्यादी नेतेमंडळी उपस्थित होती.

राजर्षी छत्रपती शाहू महाराजांच्या स्मृती जपण्यासाठी मुंबईतील गिरगावमधील पन्हाळा लॉज राजवाडा येथे स्मृती स्तंभ उभारण्यासाठी आज मालोजीराजे शाहू छत्रपती जी, पालकमंत्री @satejp जी यांच्यासह शिष्टमंडळाने भेट घेऊन चर्चा केली. pic.twitter.com/PqCQ3GJFwf

— Aaditya Thackeray (@AUThackeray) October 6, 2021

हे ही वाचा : 

• Praveen Tevatia : वयाच्या 23 व्या 185 जणांचे प्राण वाचवणारा अवलिया, थरारक कहाणी
• BMC Recruitment 2021 : BMC मध्ये विविध पदांसाठी भरती,पहा कसा कराल अर्ज…
• Mumbai temples open : मुंबईत वाजणार मंदिरांची घंटा; सिद्धिविनायकाच्या दर्शनासाठी आखली नियमावली