India Vs Newzealand Test Match : श्रेयस अय्यरने त्याच्या पदार्पणाच्या सामन्यात झळकावले शानदार शतक …

श्रेयस अय्यरने पदार्पणाच्या कसोटीत शानदार शतक झळकावले.अय्यरने कानपूर कसोटीच्या दुसऱ्या दिवशी न्यूझीलंडविरुद्ध 157 चेंडूत पहिले कसोटी शतक झळकावले. त्यांनी 12 फोर आणि 2 सिक्स मारले. पदार्पणाच्या कसोटीत शतक झळकावणारा अय्यर हा 16 वा भारतीय फलंदाज आहे. त्यांच्याकडे आता शिखर धवनचा खास विक्रम मोडण्याची संधी आहे. भारतासाठी पदार्पणाच्या कसोटीत सर्वाधिक धावा करण्याचा विक्रम धवनच्या नावावर आहे. त्याने 2013 मध्ये ऑस्ट्रेलियाविरुद्ध 187 धावांची इनिंग खेळली होती. अय्यरकडे द्विशतक झळकावण्याची आणि धवनला मागे टाकण्याची सुवर्णसंधी आहे. ( India Vs Newzealand Test Match: Shreyas Iyer scores brilliant century in his debut match …)

न्यूझीलंडविरुद्ध पदार्पणाच्या कसोटीत शतक झळकावणारा श्रेयस अय्यर हा तिसरा भारतीय ठरला आहे. याशिवाय कानपूरच्या ग्रीन पार्क स्टेडियमवर पदार्पणाच्या कसोटीत शतक झळकावणारा तो दुसरा भारतीय ठरला आहे. विश्वनाथ गुंडप्पा यांनी त्यांच्या आधी 1969 साली हा पराक्रम केला होता. अय्यरने 2017 सालीच भारतीय संघासाठी टी-20 आणि एकदिवसीय क्रिकेटमध्ये पदार्पण केले. 4 वर्षांनंतर त्याला कसोटी पदार्पण करण्याची संधी मिळाली. अय्यर हा कसोटी खेळणारा 303 वा भारतीय क्रिकेटपटू आहे.

दुसऱ्या दिवशी भारताची सुरुवात चांगली झाली नाही. भारताने 258 धावांच्या पुढे चार गडी राखून खेळण्यास सुरुवात केली आहे. कालचा नाबाद फलंदाज रवींद्र जडेजा एकही धाव न जोडता टिम साउदीच्या गोलंदाजीवर बाद झाला. जडेजाने 112 चेंडूंत 6 चौकारांसह 50 धावा केल्या. जडेजाच्या पाठोपाठ आलेला यष्टिरक्षक फलंदाज रिद्धिमान शहा काही विशेष करू शकला नाही. तो 1 धावा करून विकेटच्या मागे टीम साउदीच्या हातून टॉम ब्लेंडलककडे झेलबाद झाला. दोघांमध्ये सहाव्या विकेटसाठी 22 धावांची भागीदारी झाली.

हे हि वाचा :

• 26/11 Attack : अख्ख्या मुंबईची उडवली होती जाग, आजही का धगधगतेय 26/11 ची आग
• BMC Election 2022 : म्हणून BMC निवडणुका 2022 पुढे ढकलल्या जाणार असल्याची शक्यता…
• Mumbai AC Local : मुंबई AC लोकलचे भाडे आता सर्वसामान्य व्यक्तीला परवडेल एवढ्या दरात होण्याची शक्यता….